განსხვავება ნარცისსა და ფსიქოპათს შორის III
ორივე მანიპულატორია, არცერთს არ აქვს ემპათიის უნარი, უყვართ ტოტალური კონტროლი და ყველა ადამიანს როგორც “რესურსს” ისე აღიქვამენ თუმცა, მათი მეთოდები და მიზნები რადიკალურად სხვადასხვაა.
ᲡᲐᲡᲐᲠᲒᲔᲑᲚᲝ ᲘᲜᲘᲤᲝᲠᲛᲐᲪᲘᲐ ᲜᲐᲠᲪᲘᲡᲖᲔ
8/2/20241 min read
წარმოიდგინეთ, რომ ხართ თეატრში. სცენაზე ორი მსახიობია - ერთი მუდმივად კაშკაშა შუქის ქვეშ, ხოლო მეორე კი ჩრდილში თუმცა, ყველაფერს აკონტროლებს.
პირველი ნარცისია - ყურადღების ცენტრში, აპლოდისმენტების მოლოდინში.
მეორე ფსიქოპათი - რომელსაც დიდად არ ანაღვლებს აღიარება და შეუმჩნევლად, მის მიზანზეა ორიენტირებული.
ორივე მანიპულატორია, არცერთს არ აქვს ემპათიის უნარი, უყვართ ტოტალური კონტროლი და ყველა ადამიანს როგორც “რესურსს” ისე აღიქვამენ თუმცა, მათი მეთოდები და მიზნები რადიკალურად სხვადასხვაა. შეუიარაღებელი თვალით, მათი გარჩევა ძნელია, თუმცა მათ შორის მნიშვნელოვანი სხვაობაა:
ფსიქოპათი, მეორე მხრივ, არის უფრო "წმინდა" ფორმის მანიპულატორი. მისი ქმედებები არ არის განპირობებული ემოციური ტრავმით ან არასრულფასოვნების გრძნობით. ის მოქმედებს ცივი, გათვლილი ლოგიკით, რაც მას ხდის განსაკუთრებით საშიშს.
საზოგადოებისთვის ორივე ტიპი წარმოადგენს გამოწვევას, მაგრამ სხვადასხვა მიზეზების გამო. ნარცისები ხშირად ქმნიან ტოქსიკურ გარემოს, სადაც სხვები იძულებულნი არიან მუდმივად აკმაყოფილებდნენ მათ ეგოს. ფსიქოპათები კი შეიძლება იყვნენ დესტრუქციულები უფრო ფართო მასშტაბით, განსაკუთრებით თუ მათ ხელთ ძალაუფლებაა.
როგორები არიან ნარცისები II (ვრცელი ვერსია)
რა მიზანი აქვს ნარცისს და ფსიქოპათს ურთიერთობისას
3 რამ, რაც უნდა იცოდე ნარცისზე
ინცესტი
ნარცისის საბოტაჟი
დახმარებისთვის მოგვწერეთ - კონსულტაცია ანონიმური და უფასოა
ასევე შემოგვიერთდით Facebook -ის დახურულ ჯგუფში - NPD.ge
მოტივაცია და მიზნები:
• ნარცისი: მისთვის მთავარია აღიარება და თაყვანისცემა. ის ჰგავს მსახიობს, რომელიც მუდმივად ფეხზეწამომდგარ ტაშს ელოდება.
• ფსიქოპათი: მას აინტერესებს კონკრეტული შედეგები - ძალაუფლება, ფული, კონტროლი. ის უფრო რეჟისორს ჰგავს, რომელიც კულისებიდან მართავს სიტუაციას.ემოციური მდგომარეობა:
• ნარცისი: ძალიან მგრძნობიარეა. კრიტიკა მისთვის მტკივნეულია და შეიძლება გამოიწვიოს ღრმა ნარცისული ტრავმა.
• ფსიქოპათი: ემოციურად ცივია. კრიტიკა მას არ ანაღვლებს, თუ ეს მის მიზნებს არ ემუქრება. ცივსისხლიანი და დაუნდობელია, თუ სპექტაკლი მისი სცენარით არ მიმდინარეობს.
ნარცისი და ფსიქოპათი - ორი სახე, რომლებიც ხშირად გვხვდება ჩვენს გარშემო, მაგრამ რომელთა გარჩევაც ხშირად რთულია. მათი ქცევის გაანალიზება გვიჩვენებს, რომ ისინი ფუნდამენტურად განსხვავდებიან ერთმანეთისგან.
ნარცისი არის როგორც მსხვერპლი, ისე მოძალადე საკუთარი თავის მიმართ. მისი ქცევა არის თავდაცვითი მექანიზმი ღრმად დამალული არასრულფასოვნების კომპლექსის წინააღმდეგ, რომელიც რთული ბავშვობის შედეგია. ის მუდმივად ეძებს საკუთარი ღირებულების გარე დადასტურებას სხვებისგან, რაც მას ხდის მოწყვლადს და დამოკიდებულს გარშემომყოფების აზრზე.
ურთიერთობები:
• ნარცისი: სჭირდება სხვები, როგორც "სარკეები" საკუთარი სიდიადის დასანახად. ის დამოკიდებულია სხვების აღიარებაზე და გარესამყაროს ვალიდაციაზე.
• ფსიქოპათი: სხვები მისთვის მხოლოდ პაიკებია ჭადრაკის დაფაზე. ის იყენებს მათ და ადვილად შეელევა თუ საქმეს დასჭირდა.ემპათია:
• ნარცისი: აქვს მცირედი ცივი ემპათია, მაგრამ შეიძლება იგრძნოს სხვისი ტკივილი, განსაკუთრებით თუ ეს მის იმიჯს ეხება.
• ფსიქოპათი: პრაქტიკულად არ გააჩნია ემპათია. სხვების ტანჯვა მისთვის უბრალოდ ინფორმაციაა და თუ მისი მიზანი სხვისი განადგურებაა, ამისგან სიამოვნებასაც კი იღებს.ადაპტაცია:
• ნარცისი: უჭირს ცვლილებებთან შეგუება, რადგან ეს ემუქრება მის შინაგან “მე”-ს. ვერ აკონტროლებს ნარცისულ ღვარძლს და ხშირად გაუაზრებლად რისკავს.
• ფსიქოპათი: სწრაფად ეგუება ახალ სიტუაციებს და ადვილად ცვლის ტაქტიკას. მოქნილია და იოლად გადააქვს ყველა კრიზისი. შეუძლია ბრაზის (აგრესიის) კონტროლი და კარგად ფლობს მისგან წამოსულ ემოციებს.რისკის აღქმა:
• ნარცისი: ხშირად ვერ აფასებს რისკებს ობიექტურად, რადგან სჯერა, რომ ის განსაკუთრებულია.
• ფსიქოპათი: კარგად აფასებს რისკებს, მაგრამ ხშირად მაინც მიდის მათზე თავისი მიზნების მისაღწევად.